Galego • Español 

>>Accesibilidade, Fisioterapia, Información e Asesoramento, Lecer, Deportes, Institucionais, Asociativas

Accesibilidade, Fisioterapia, Información e Asesoramento, Lecer, Deportes, Institucionais, Asociativas


CEA DE NADAL AMICO

Terá lugar o venres 13 de decembro ás 22:00 horas no Sano Sanote Buffet-Grill na R/ Castiñeiras, 110 Baixo-Polígono Novo Milladoiro (Ames) .

As persoas socias que desexen anotarse, terán que facelo mediante correo electrónico a info@amico.es indicando nome, apelidos, teléfono de contacto, así como características e necesidades a ter en conta (exemplo: usuario/as de produtos de apoio como cadeira de rodas, necesidade de apoios ou algún
tipo de intolerancia alimentaria co fin de poder adaptarnos as súas necesidades na medida do posible).

A cea aboarase diretamente alí unha vez rematada: 12 e persoa.

MENÚ:
Aperitivos (fiambre, croquetas, tortilla)
Parrillada de carnes
Bebida, pan, postre e café.

En todolos menús inclúese buffet libre de ensalada.
Pódese cambiala carne por merluza á prancha ou á galega.

Animádevos!

Taller de resolución extraxudicial de conflitos

Actividade que se celebra o luns 4 de novembro de 17.00 a 19.00 horas na casa das asociacións de benestar social, CABES, Salgueiriños en Santiago.

A formación impartida polo licenciado en dereito Miguel Vieito Vilar, doutorando que colabora coa entidade de xeito habitual, terá un carácter práctico e estará dirixida a solventar dúbidas e casos sobre dereitos de consumo, presentación de reclamacións e queixas ante unha posible
vulneración de dereitos (como presentar unha queixa ante o Valedor do Pobo, por exemplo).

AMICO conta co apoio da Asociación de Persoas Xordas de Santiago para este evento, e facilita para aquelas persoas que o precisan un intérprete que permite que continúen o taller sen dificultade.

O Taller de resolución extraxudicial de conflitos enmárcase dentro do programa Tardes con AMICO que a entidade desenvolve os luns laborais en horario de 17.00 a 19.00 horas en Salgueiriños, co obxectivo de constituír un espazo de encontro entre persoas asociadas no cal se realizan dinámicas de grupo para tratar diversas temáticas e/ou visionado de películas que logo se comentan e debaten entre o grupo.

A entrada é libre ata completar aforo e as inscricións pódense realizar por correo electrónico a: info@amico.es indicando o teu nome, apelidos e teléfono de contacto. Se a persoa ten necesidades derivadas da discapacidade terá que comunicárnolo para tomar as medidas oportunas.

Teléfono de contacto: 678 739 030

GRUPO DE PISCINA TERAPÉUTICA PARA PERSOAS CON DISCAPACIDADE

ANUNCIO!
Comunícase que as actividades de piscina que a entidade presta nas instalacións de AWASAN, Silvouta, Roxos, grazas a colaboración económica da Deputación de A Coruña modifican o seu horario.
 

Día do Voluntariado de Iberdrola, Vela adaptada en Sanxenxo

Un grupo de dez persoas socias de AMICO participaron este fin de semana no II Día do voluntariado de Iberdrola, en Sanxenxo.
 
As persoas participantes realizaron bautismos de mar en embarcacións de vela lixeira adaptadas, en galeóns, así como nunha embarcación neumática, e contarán co apoio de voluntarios de Iberdrola e do RCN de Sanxenxo.

Encontro persoas socias AMICO: 18 setembro

O día 18 de setembro de 2013 ás 17:00 horas terá lugar un encontro de persoas socias de AMICO no salón de actos da Casa das Asociacións (Cabes) en Salgueiriños.

O citado encontro terá como obxectivo que as persoas socias poidan coñecerse, facer rede, coñecer as actividades que ten postas en marcha a asociación, as maneiras de poñerse en contacto coa mesma, a súa páxina Web, Facebook e recoller demandas das persoas socias, entre outras.

Aquelas persoas que non sexan socias pero teñan algunha discapacidade poden acudir e coñecer a asociación e as actividades que está a levar a cabo; así como tamén poden asistir aquelas persoas voluntarias que están a participar nas actividades da asociación.

Animádevos a participar!

info@amico.es
teléfono contacto
678 739 030

Sesións de fisioterapia para persoas con discapacidade.

Por terceiro ano consecutivo a asociación AMICO retoma o servizo de rehabilitación dirixido a persoas con discapacidade que ten en marcha grazas á colaboración da Deputación de A Coruña.

O servizo consiste en ofrecer sesións de fisioterapia especializada unha vez a semana por parte das profesionais que ten a clínica de fisioterapia e hidroterapia situada na rúa Dublín, nº 3 baixos, en Santiago de Compostela.

O obxectivo é facilitar ás persoas con discapacidade que mais o precisan un servizo continuado de exercizos e tratamentos en sala que incrementen as capacidades psicomotrices e a autonomía persoal, reducción da dor, mobilizacións específicas, masaxes e outros tratamentos especializados que precise a persoa baixo as directrices da colexiada en fisioterapia.

O servizo está dispoñible os luns, mércores e venres en horario de 10:00 a 14:00 horas e de 16:00 a 21:00 horas, cita previa no teléfono 981 574 230.

Para participar, as persoas con discapacidade terán que asociarse a AMICO onde se lles ofrecerán todos os detalles da actividade e da propia entidade.

info@amico.es
teléfono contacto
678 739 030

Actividades acuáticas adaptadas para persoas con discapacidade en Compostela.

A asociación AMICO reabre o prazo de inscrición para que as persoas con discapacidade da contorna participen nas sesións grupais que desenvolve na piscina terapéutica Awasan, grazas ao apoio económico da Deputación de A Coruña.
A actividade consistirá nunha sesión semanal de actividades acuático terapéuticas baixo supervisión dun monitor especializado e un grupo de persoas voluntarias, que facilitan o desenvolvemento dos exercizos así como recibir os apoios que precisan tanto nos vestiarios como durante a actividade.
As sesións terán lugar os venres en horario de 16.30 a 17.30 horas nas instalacións acuáticas no lugar de Silvouta, Roxos (piscina Awasan) cun máximo de 12 participantes.
No caso de recibir mais solicitudes de participación a entidade valorará a posta en marcha dun novo grupo.
Para participar, as persoas con discapacidade terán que asociarse a AMICO onde se lles ofrecerán todos os detalles da actividade e da propia entidade.
info@amico.es
teléfono contacto
678 739 030

COGAMI INVÍTANOS A SANXENXO NO DÍA DE VOLUNTARIADO DE IBERDROLA

ACTIVIDADE 21 DE SETEMBRO DE 2013:DÍA DE VOLUNTARIADO IBERDROLA EN Sanxenxo

Dende COGAMI infórmannos que o vindeiro sábado 21 de setembro temos a posibilidade de participar no DÍA DO VOLUNTARIADO DE IBERDROLA, que xirará en torno ao deporte da vela e terá lugar no Real Club Náutico de Sanxenxo.

ACTIVIDADES SOBRE CONSUMO RESPONSABLE A TRAVÉS DO INSTITUTO GALEGO DE CONSUMO

Grazas a COGAMI e o Instituto Galego de Consumo que subscribiron un convenio de colaboración, AMICO pode solicitar algunha actividade no marco do consumo responsable, polo que precisaría que as persoas socias e familiares indiquedes se tedes interese en participar en algunha:
 

COLABORACIÓN VOLUNTARIA EN PARTIDO SOLIDARIO 4/09/2013 SANTIAGO SAN LÁZARO

SOLICITUDE DE COLABORACIÓN: ENTREGA DE ENTRADAS GRATUÍTAS PARA O PARTIDO DE FÚTBOL SOLIDARIO ENTRE O COMPOSTELA E O CELTA (mércores 4/09/2013)
Dende os clubes de fútbol Compostela e Celta solicítannos colaboración no marco do partido solidario que está previsto para o mércores día 4 de setembro en San Lázaro.

 
 

Campaña de asociación

  • Campaña de asociación