Galego • Español 

>>Deportes

Deportes


PILATES ADAPTADO A PARTIR DO MÉRCORES

O mércores 3 de setembro retomamos a actividade de pilates adaptado para persoas con discapacidade en Santiago de Compostela (zona Fontiñas) ata o mes de decembro.

O grupo de mañá son os mércores en horario de 10:00 a 11:00 horas, e terá lugar no centro sociocultural de Fontiñas, situada na rúa Berlín.
O grupo de tarde son os os mércores en horario de 18:00 a 19:00 horas e terá lugar na aula situada na rúa Dublín, Nº 3 baixos (Clínica Combina social)

IV OPEN INTERNACIONAL CIDADE DE A CORUÑA DE TENIS EN CADEIRA DE RODAS

Infórmasevos dunha actividade deportiva que terá lugar os días 8 e 9 de maio O OPEN INTERNACIONAL CIDADE DE A CORUÑA DE TENIS EN CADEIRA DE RODAS(para ver o torneo e tamén para participar en actividades varias).
O desprazamento e xantar corre da conta das persoas participantes, polo que a idea sería ou concertar un menú alí (poremos un máximo de 15 euros)ou levar cada un a nosa comida.

En función das persoas que vos anotedes imos buscar un transporte adaptado se fixera falta ou ver algún modo de ir (tren, etc...).

Hai que indicar:
Persoa interesada:
Teléfono:
Necesidades que presentas: (indicar se tes mobilidade reducida, usuario de cadeira de rodas, necesidades de intérprete ou outros):
Nº persoas con mobilidade reducida:
Indicar o día que prefieres: 8 ou 9 de maio.
Prefires xantar organizado ou levar a comida???:

Temos que enviar a lista de interesad@s nun breve prazo polo que se vos pide rapidez na resposta.

O programa será:
12:00 Chegada.

12:05- 13:00 Visita Exposición / Visionado torneo.

13:00 a 14:00 Presentación expositores e presentación de actividades a realizar.

14:00- 16:00 Xantar e visionado torneo.

16:00- 18:00 Actividade multideportiva.

Imos precisar persoal voluntario polo que as persoas que desexen participar como voluntarias terán que indicarnos a súa dispoñibilidade e os seguintes datos:
Nome, apelidos, Teléfono, día que poderían asistir (8 ou 9 de maio).

Quedando á espera das vosas novas, recibide un cordial saúdo.

ACTIVIDADE MULTIDEPORTIVA DÍA DECATHLON, 4 DE XUÑO

Estase a organizar unha Xornada Multideportiva en Santiago para o día 4 de xuño pola tarde, en horario de 16:00 a 19:00 horas, no que se dividirá as persoas participantes por equipos e deportes, para que compitan e pasen un día de convivencia con outras persoas, ademáis de ter tempo libre e recibir unha merenda.

Esta actividade realizarase no aparcadoiro da tenda de Santiago de Compostela e durará aproximadamente de 16:00 a 19:00 horas.

O desprazamento ata Santiago non está cuberto polo que cada persoa que queira participar terá que vir por si mesma, ben sexa con vehículo particular ou ben transporte público, e o punto de encontro xa será a propia tenda de Decathlon en Santiago.

Se queredes participar tedes que enviar os vosos datos e as necesidades de apoio que precisades de cara a xestionar mellor a actividade, xa que contaremos con persoal voluntario da tenda de deportes para facilitar a nosa aprendizaxe.

Tedes para apuntarvos esta semana.

DATOS PARA A INSCRICIÓN NA ACTIVIDADE MULTIDEPORTIVA DÍA DECATHLON, 4 de xuño.

Nome e apelidos:

Teléfono:

Mail:

Preferencia de deporte que queres realizar: Deportes competición ou Deportes xogo recreativo?; Indicar cal:

Tes mobilidade reducida?:

Eres persoa usuaria de cadeira de rodas ou outra axuda técnica?: Indicar cal...

Outras necesidades de interese que poidan axudar á organización:

Mais información:

Esta actividade enmárcase nas accións que a área de lecer de COGAMI ofrece ás asociacións para que as persoas socias poidan participar nas mesmas, e enmárcase no marco do Día da Fundación Decathlon. A efectos informativos o ano pasado participaron unhas 50 persoas.

Quedamos á espera das vosas indicacións, recibide un saúdo.

GRUPO DE PISCINA TERAPÉUTICA PARA PERSOAS CON DISCAPACIDADE

ANUNCIO!
Comunícase que as actividades de piscina que a entidade presta nas instalacións de AWASAN, Silvouta, Roxos, grazas a colaboración económica da Deputación de A Coruña modifican o seu horario.
 

Día do Voluntariado de Iberdrola, Vela adaptada en Sanxenxo

Un grupo de dez persoas socias de AMICO participaron este fin de semana no II Día do voluntariado de Iberdrola, en Sanxenxo.
 
As persoas participantes realizaron bautismos de mar en embarcacións de vela lixeira adaptadas, en galeóns, así como nunha embarcación neumática, e contarán co apoio de voluntarios de Iberdrola e do RCN de Sanxenxo.

Actividades acuáticas adaptadas para persoas con discapacidade en Compostela.

A asociación AMICO reabre o prazo de inscrición para que as persoas con discapacidade da contorna participen nas sesións grupais que desenvolve na piscina terapéutica Awasan, grazas ao apoio económico da Deputación de A Coruña.
A actividade consistirá nunha sesión semanal de actividades acuático terapéuticas baixo supervisión dun monitor especializado e un grupo de persoas voluntarias, que facilitan o desenvolvemento dos exercizos así como recibir os apoios que precisan tanto nos vestiarios como durante a actividade.
As sesións terán lugar os venres en horario de 16.30 a 17.30 horas nas instalacións acuáticas no lugar de Silvouta, Roxos (piscina Awasan) cun máximo de 12 participantes.
No caso de recibir mais solicitudes de participación a entidade valorará a posta en marcha dun novo grupo.
Para participar, as persoas con discapacidade terán que asociarse a AMICO onde se lles ofrecerán todos os detalles da actividade e da propia entidade.
info@amico.es
teléfono contacto
678 739 030

Actividades minideportivas en Decathlon Santiago, 5 de junio

Personas de AMICO comparten tarde con la Fundación Decathlón en Santiago
 

XORNADAS DE PORTAS ABERTAS GOLF ADAPTADO

En colaboración con COGAMI e grazas á Escuela de Golf Adaptado do Real
Aero Club de Santiago e a Fundación La Rosaleda, as entidades de persoas
con discapacidade terán a posibilidade de coñecer este deporte o próximo
27 de maio de 10:30 a 13:00 horas.

As persoas socias que desexen participar nesta xornada terán que contactar
coa nosa entidade ata cubrir prazas por orde de inscrición.
Informarémosvos de todo o necesario para participar.

+ información: telf: 678 73 90 30 - 981 574 698

ESCOLA DE TENIS ADAPTADO EN SANTIAGO

A FEDERACIÓN GALEGA DE TENIS e o CONCELLO DE SANTIAGO DE COMPOSTELA colaboran con COGAMI dando a posibilidade de desenvolver unha ESCOLA DE TENIS ADAPTADO gratuíta durante dous meses na cidade de Santiago.

A actividade, dirixida a persoas con discapacidade, terá lugar os sábados durante dúas horas.

As clases terán lugar no Pavillón do Restollal (Emilio e Manuel, s/n) en Santiago de Compostela e disporemos de 20 prazas polo que faremos dous grupos de 10 persoas.

O horario da actividade será o seguinte: de 10:00 a 12:00 (GRUPO 1) e de 12:00 A 14:00 (GRUPO 2).

A presentación da actividade terá lugar nas pistas de tenis de Sar o vindeiro sábado 1 de xuño en horario de 12:00 a 14:00 horas e no marco da mesma realizarase unha CHARLA SOBRE O DEPORTE DO TENIS, unha EXHIBICIÓN DESTE DEPORTE así como unha CLASE PRÁCTICA. En dita presentación poderanse
formalizar as inscricións para a escola sempre e cando se presente a documentación esixida polo que é necesario contactar coa nosa asociación.

É imprescindible levar roupa e calzado deportivo tanto o día da presentación como no desenvolvemento da escola.

ACTIVIDADE ACUÁTICA ADAPTADA PARA PERSOAS CON DISCAPACIDADE

Comezan as sesións da actividade acuática adaptada para persoas con discapacidade en Santiago.
Consiste en realizar exercicios de mantemento e recuperación no medio acuático, baixo a supervisión de monitores/as e persoal de apoio, dúas veces ao mes nas instalacións adaptadas en Roxos (AWASAN).

As sesións son os venres de 16:30 a 17:30 horas e o custo total da actividade 20€ por persoa ata o mes de xuño.
Acudir a sesións soltas terá un custo de 1,5 euros pero non se garantiza continuidade.

A actividade está cofinanciada pola Deputación de A Coruña e complementa o programa de natación terapéutica que financia COGAMI e a Fundación Iberdrola, no que participan 10 persoas con discapacidade.

 
 

Campaña de asociación

  • Campaña de asociación